Ölkə

COVID-19 xəstələrinə yardım göstərən tibb işçilərinin əməkhaqlarına əlavənin müddəti uzadılıb

15 Oktyabr 2026 19:50

Baxış: 355

VTB-də minimal faiz dərəcəsi ilə nağd kredit 9.9%-dən

#KORONAVİRUS

Bakı şəhər Baş Səhiyyə İdarəsinin tabeliyində yaradılmış xüsusi ambulator tibb məntəqələrində yeni növ koronavirus (COVID-19) infeksiyasına yoluxmuş xəstələrə ambulator-poliklinik yardım göstərən tibb işçilərinin əməkhaqlarına müddətli əlavənin verilməsi müddəti uzadılıb.

Milli.Az xəbər verir ki, Baş nazir Əli Əsədov bununla bağlı müvafiq qərar imzalayıb.

Sənədə əsasən, "Bakı şəhər Baş Səhiyyə İdarəsinin tabeliyində yaradılmış xüsusi ambulator tibb məntəqələrində yeni növ koronavirus (COVID-19) infeksiyasına yoluxmuş xəstələrə ambulator-poliklinik yardım göstərən tibb işçilərinin əməkhaqlarına müddətli əlavənin müəyyən edilməsi barədə" Azərbaycan Respublikası Nazirlər Kabinetinin 2020-ci il 23 iyul tarixli 262 nömrəli qərarında dəyişiklik edilib.

Yeni qərarla həmin şəxslərə əlavələrin verilməsi müddəti 2027-ci il yanvarın 2-dək uzadılıb.

Qeyd edək ki, əvvəl bu müddət 2026-cı il oktyabrın 1-dək nəzərdə tutulmuşdu.

Müəllif: Ülkər Vəliyeva (Milli.Az redaktor)