Ölkə

Almaniyadan 32 Azərbaycan vətəndaşı readmissiya edilib

14 Oktyabr 2026 18:48

Baxış: 389

VTB-də minimal faiz dərəcəsi ilə nağd kredit 9.9%-dən

Oktyabrın 13-də Azərbaycan Respublikası vətəndaşı olan 32 nəfər "Azərbaycan Respublikası ilə Avropa İttifaqı arasında icazəsiz yaşayan şəxslərin readmissiyası haqqında" Saziş çərçivəsində Almaniya Federativ Respublikasından geri qəbul edilib.

Milli.Az xəbər verir ki, bu barədə Dövlət Miqrasiya Xidməti məlumat yayıb.

Bildirilib ki, DMX tərəfindən fəaliyyəti əlaqələndirilən aidiyyəti dövlət qurumlarının nümayəndələrindən ibarət Reinteqrasiya üzrə İşçi Qrupu readmissiya olunan Azərbaycan Respublikası vətəndaşlarının üzləşdikləri çətinlik və problemlərin operativ həlli, onların cəmiyyətə səmərəli, dayanıqlı sosial-iqtisadi reinteqrasiyası işinin təşkili istiqamətində müvafiq tədbirlər həyata keçirir.

Müəllif: Ülkər Vəliyeva (Milli.Az redaktor)