İdman

Arbeloa cərimələndi

14 Oktyabr 2026 16:42

Baxış: 357

VTB-də minimal faiz dərəcəsi ilə nağd kredit 9.9%-dən

#FUTBOL #PREMYER LİQA

İngiltərənin "Fulhem" klubunun baş məşqçisi Alvaro Arbeloa hakimliklə bağlı sərt fikirlərinə görə cəzalandırılıb.

Milli.Az xarici mətbuata istinadən xəbər verir ki, İngiltərə Futbol Assosiasiyasının (FA) yaydığı məlumata görə, mütəxəssis Premyer Liqanın V turunda "Mançester Yunayted"lə 1:1 hesablı heç-heçədən sonra hakimləri qərəzli davranmaqda ittiham edib. Bu açıqlamalara görə ona 25 min funt-sterlinq məbləğində cərimə tətbiq olunub və rəsmi xəbərdarlıq edilib.

FA-nın bəyanatında məşqçinin bu cür davranışının qəbuledilməz olduğu vurğulanıb.

Qeyd edək ki, "Fulhem" Premyer Liqada keçirdiyi ilk altı turda qələbə qazana bilməyib. London təmsilçisi turnir cədvəlinin sonuncu pilləsində qərarlaşıb.

Komanda növbəti matçını oktyabrın 18-də öz meydanında "Hall Siti"yə qarşı keçirəcək.

Müəllif: Tural Hüseyn (Milli.Az redaktor)