Ölkə

Xankəndidə ölən erməni qadının meyiti Ermənistana aparıla bilər - FOTO

15 Mart 2025 13:09

Baxış: 580

#XANKƏNDİ

Ötən ilin oktyabrında Xankəndidə vəfat etmiş erməniəsilli Vera Ağasyanın meyitinin Ermənistana aparılması məsələsi müzakirə olunur.

Milli.Az "Sputnik Ermənistan"a istinadən xəbər verir ki, bu barədə Ermənistan Milli Təhlükəsizlik Xidməti məlumat yayıb.

Qeyd edək ki, bir neçə gün öncə Azərbaycanın Dövlət Təhlükəsizliyi Xidməti rəisinin müavini general-leytenant Şərafət Həsənov Ermənistanın Xankəndidə vəfat etmiş erməniəsilli Ağasyan Vera Varaşakovnanın meyitinin təhvil alınmasına 5 aydır heç bir münasibət bildirmədiyini açıqlamışdı.

Xatırladaq ki, 70 yaşlı Vera Ağasyan 2024-cü ilin oktyabrın 20-si yaşadığı ünvanda vəfat edib. Ölümlə bağlı aidiyyəti orqan tərəfindən məhkəmə-tibbi ekspertiza təyin olunub və qadının ağciyər arteriyasının trombozu ilə əlaqədar inkişaf etmiş kəskin ağciyər-ürək çatışmazlığından vəfat etdiyi məlum olub. V. Ağasyan Xankəndinin işğaldan azad olunmasından sonra orada qalan erməniəsilli sakinlərdən biri idi./"Qafqazinfo"

Milli.Az