Ölkə

Horadizdən Ağalıya müntəzəm avtobus marşrutu açılacaq

5 İyul 2023 12:25
Baxış: 919
VTB-də minimal faiz dərəcəsi ilə nağd kredit 10.49%-dən

Gələn ay Rəqəmsal İnkişaf və Nəqliyyat Nazirliyi yanında Azərbaycan Yerüstü Nəqliyyat Agentliyi (AYNA) Bakı-Xudat və Bakı-Şabran şəhərlərarası, Horadiz şəhəri (Füzuli rayonu)-Ağalı kəndi (Zəngilan rayonu) rayonlararası, Tərtər şəhəri-Talış kəndi (Tərtər rayonu daxili), Abşeron rayonununun Görədil qəsəbəsi-Xırdalan şəhəri üzrə 592 və Güzdək qəsəbəsi (Abşeron rayonu)-Bakı şəhəri üzrə 553 nömrəli müntəzəm avtobus marşrutları üzrə müsabiqə keçirəcək.

Bu barədə Milli.Az-a AYNA-dan bildirilib.

Məlumata görə, Goradil-Xırdalan və Güzdək-Bakı marşrutları üzrə müqabiqə avqustun 3-də, digər marşrutlar üzrə müsabiqə isə avqustun 4-də keçirəcək.

Marşrutların qrafikləri haqqında məlumatı buradan əldə etmək olar.

Müsabiqə "Avtomobil nəqliyyatı haqqında" qanuna, Nazirlər Kabinetinin 3 aprel 2009-cu il tarixli qərarı ilə təsdiq edilmiş "Avtomobil nəqliyyatı ilə müntəzəm şəhərdaxili (rayondaxili), şəhərlərarası (rayonlararası) və beynəlxalq marşrutlar üzrə sərnişin daşımalarına daşıyıcıların cəlb olunmasına dair müsabiqənin keçirilməsi Qaydası"na uyğun olaraq təşkil edilir.

Milli.Az

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.