Ölkə

DİN-dən futbolçuları daşıyan avtobus qəzası ilə bağlı məlumat - YENİLƏNİB - VİDEO - FOTO

7 Mart 2023 15:49
Baxış: 3 954
VTB-də minimal faiz dərəcəsi ilə nağd kredit 10.49%-dən

16:24

Tibbi Ərazi Bölmələrini İdarəetmə Birliyi (TƏBİB) bu gün qəzaya uğrayan futbolçular barədə məlumat yayıb.

Qurumdan verilən məlumata görə, hadisə nəticəsində 2 nəfər (kişi) müxtətif dərəcəli bədən xəsarətləri alıb.

Yaralılarda bud sümüyünün sınığı, döş qəfəsinin qapalı travması qeydə alınıb. Onların hər birinə zəruri tibbi xidmətlər göstərilib.

--------

15:49

Daxili İşlər Nazirliyinin (DİN) Baş Dövlət Yol Polisi İdarəsi "Mingəçevir" futbol klubunu daşıyan avtobusun qəzaya uğraması barədə məlumat yayıb.

İdarədən verilən məlumata görə, bu gün saat 13:00 radələrində Muğanlı-İsmayıllı yolunun 10-cu kilometrliyində, Basqal qəsəbəsi ərazisində hərəkətdə olan "Mercedes" markalı BA 004 KU qeydiyyat nişanlı avtobusun sürücüsü Anar Qafarov sərt döngədə idarəetməni itirərək qarşıdan gələn 77-EF-972 dövlət qeydiyyat nişanlı "MACK" markalı yük avtomobili ilə toqquşub. Nəticədə yük avtomobilinin sürücüsü 1949-cu il təvəllüdlü Məmmədov Əflatun Abdulla oğlu və avtobusun sərnişini "Mingəçevir" Futbol Klubunun əməkdaşı 1968-ci il təvəllüdlü Qarayev Zaur Ələş oğlu xəsarət alaraq tibb müəssisələrinə yerləşdirilib.

Qəzanın baş verdiyi əraziyə YPX əməkdaşları cəlb olunub, faktla bağlı araşdırma aparılır.

-------

14:36

"Mingəçevir" futbol klubunu daşıyan avtobus yük maşını ilə toqquşub.

Milli.Az APA-ya istinadən bildirir ki, hadisə günorta saatlarında, İsmayıllı-Şamaxı avtomobil yolunun Muğanlı ərazisindəki dolayda qeydə alınıb.

Sərnişin avtobusu ilə "KamAZ" markalı yük avtomobilinin toqquşması nəticəsində xəsarət alanlar var.

Xəsarət alanlar avtobusun və yük maşınının sürücülərdir. 1949-cu il təvəllüdlü Məmmədov Əflatun Abdulla oğlu və 1968-ci il təvəllüdlü Qarayev Zaur Ələş oğlu xəstəxanaya yerləşdirilib.

***

Bu gün "Mingəçevir" futbol komandası I Divizionun 20-ci turu çərçivəsində "Şamaxı" ilə səfər oyununa gedərkən yolda avtomobil qəzasına uğrayıb.

PFL-dən verilən məlumata görə, futbolçular və rəhbərlik heyəti arasında xəsarət alanlar olsa da, həyatını itirən yoxdur.

Bu fors-major hal nəzərə alınaraq, bu günə nəzərdə tutulan "Şamaxı-2" - "Mingəçevir" görüşü təxirə salınıb. Oyunun nə vaxt keçirilməsi ilə bağlı əlavə məlumat veriləcək.

Milli.Az

Məqaləyə dair fotomateriallar:

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.