Ermənistan

KİV: İrəvandan Bakının COP29 dəvətinə cavab...

22 Avqust 2024 16:33
Baxış: 1 932
VTB-də minimal faiz dərəcəsi ilə nağd kredit 10.49%-dən

Bakının İrəvana göndərdiyi COP29 dəvətinə Baş nazir Nikol Paşinyanın məzuniyyətdən sonra keçirəcəyi ilk mətbuat konfransında münasibət bildiriləcək.

Milli.Az Globalinfo.az-a istinadən xəbər verir ki, bu barədə Ermənistan hakimiyyətində adı açıqlanmayan mənbə "Hraparak"a bildirib.

Nəşr yazır ki, Bakıda keçiriləcək sammitdə iştirak üçün Ermənistanın xarici işlər naziri Ararat Mirzoyanın adına rəsmi dəvət göndərilib. Lakin İrəvan hökuməti hələ də susur.

Hakimiyyətdəki mənbə Ermənistan rəhbərliyinin məsələ ilə bağlı qərar verdiyini, sadəcə ictimaiyyətin kəskin reaksiyasından ehtiyat etdiyini açıqlayıb.

Digər bir iddiaya görə isə Qərb COP29-dan əvvəl Bakı ilə sülh müqaviləsi imzalanması üçün İrəvana təzyiqləri gücləndirib. Ermənistana sazişin imzalanması üçün noyabrda keçiriləcək sammit fürsətindən istifadə etməsi tövsiyə olunub.

Qeyd edək ki, Paşinyanın 15 avqustdan sonra Bakının dəvətinə cavab verəcəyi haqda bundan öncə də məlumat yayılmışdı.

Milli.Az
Xəbərlərimizi WhatsApp kanalımızdan da oxuyun

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.