Sağlamlıq

"Mayalı məhsullar ürəyin "evini yıxır"

18 Noyabr 2025 01:01

Baxış: 389

VTB-də yüksək depozit faizleri daha çox qazandırır

#SAĞLAMLIQ #SAĞLAM QİDA

Kardioloq ürəyin sağlam qalmasına kömək edən qidaları açıqlayıb.

Milli.Az xəbər verir ki, rusiyalı kardioloq Anton Vaxlyaev gündəlik qidalanmada daha çox təzə tərəvəz, meyvə və göyərtiyə yer verilməsini tövsiyə edib.

"Kaliumla zəngin məhsullar ürək və damar sağlamlığının qorunmasına müsbət təsir göstərə bilər".

Həkimin sözlərinə görə bir çox meyvə və tərəvəz kalium baxımından olduqca zəngindir. Bu maddə bütün əzələlərin, o cümlədən ürəyin normal işləməsi üçün böyük əhəmiyyət daşıyır.

Kardioloq aritmiyanın qarşısını almaq üçün də kaliumun faydalı olduğunu bildirib. Kaliumla zəngin qidalar arasında banan, bolqar bibəri, pomidor, üzüm və müxtəlif quru meyvələr yer alır. Bəzi çərəzlərdə, xüsusən fıstıqda da bu maddə çoxdur.

Vaxlyaev diqqətin çərəzlərə yönəldilməsini vacib sayır. Onların tərkibindəki çoxlu doymamış yağ turşuları orqanizmi sərbəst radikalların təsirindən qoruyur və qanın laxtalanmasına qarşı vasitə kimi dolayısı yolla təsir göstərir.

Kardioloq həmçinin qeyd edib ki, heç bir ideal və hər kəs üçün uyğun qida rejimi mövcud deyil. Belə anlayışlar daha çox reklam məqsədi daşıyır. Qidalanma planları əsasən müalicəvi və profilaktik olmaqla iki yerə ayrılır və hər biri öz məqsədinə uyğun faydalı və zərərli xüsusiyyətlər nəzərə alınaraq hazırlanır.

Həkim mayalı məhsulların azaldılmasının da ürək damar xəstəliklərinin qarşısını almağa kömək edə biləcəyini söyləyib.

İsmayıl
Milli.Az