Sağlamlıq

Duz, alkoloq, qəhvəni eyni vaxtda qəbul etmək olmaz - Damarlar dözməyəcək

18 Noyabr 2025 02:02

Baxış: 247

VTB-də yüksək depozit faizleri daha çox qazandırır

#SAĞLAMLIQ #SAĞLAM QİDA

Alkoqol əvvəlcə damarları genişləndirir, sonra isə daraldır. Bu dəyişikliklər qan təzyiqini birdən-birə yüksəldə bilər.

Milli.Az xəbər verir ki, bunu kardioloq Valeriya Bonadıykova deyib. O bildirib ki, spirtli içkilər gözlənilmədən təzyiqin kəskin qalxmasına səbəb ola bilər.

"Xüsusilə də üç porsiyadan artıq spirtli içki qəbul edildikdə bu risk artır. Təzyiq bir neçə saat sonra da qalxa bilər. Susuzluq isə vəziyyəti daha da ağırlaşdırır".

Həkim həmçinin duzu da təhlükəli hesab edir. Duzun tərkibindəki natrium bədəndə suyu saxlayır. Bu hal qanın həcmini artırır və damarların yükünü çoxaldır, nəticədə təzyiq qalxa bilir. Həkim xatırladır ki, duz təkcə adi duz qabında yox, ketçup, soya sousu, kolbasa, pendir, konservlər, çips, kraker, popkorn və ağ çörək kimi məhsullarda da gizli şəkildə olur. Çips və digər qəlyanaltılarda duz, yağ və şəkər birlikdə olduğuna görə həm təzyiqin qalxması, həm də hipertoniya, piylənmə və maddələr mübadiləsi pozuntusu riski artır.

Enerji içkiləri və çox tünd dəmlənmiş qəhvə də təzyiqi kəskin qaldıra bilər. Onlar sinir sistemini gücləndirir və damarları daraldır. Həkim bildirir ki, qəhvəni duzlu yeməklərlə birlikdə qəbul etmək xüsusilə təhlükəlidir, çünki damarlar üçün zərər ikiqat artır.

İsmayıl
Milli.Az