Cəmiyyət

Təcili yardım stansiyasının müdiri işçilərdən rüşvət alır? - VİDEO

18 Noyabr 2025 00:47

Baxış: 1 670

VTB-də minimal faiz dərəcəsi ilə nağd kredit 9.9%-dən

#VİDEO #HƏKİM

Təcili yardım stansiyasının müdirinin işçilərdən rüşvət aldığı iddia edilir

Binəqədi rayonunda yerləşən 16 saylı təcili və təxirəsalınmaz tibbi yardım stansiyasıının tibb bacısı Zümrüd Əliyeva stansiyanın müdiri Billur Tağıyevadan şikayətçidir.

Milli.Az Xəzər TV-yə istinadən bildirir ki, o iddia edir ki, tibb mərkəzində hər ay işçilərdən müxtəlif səbəblərlə pul toplanır.

Zümrüd Əliyeva 5 il ərzində stansiyanın müdirinə 5000 manat pul verdiiyni bildirir.

Şikayətçinin sözlərinə görə, ona heç bir səbəb olmadan, işdən çıxması üçün töhmət və xəbərdarlıq verilib.

Məsələ ilə bağlı stansiyanın müdiri Billur Tağıyeva "Xəzər Xəbər"ə açıqlamasında bildirdi ki, şikayətçinin iddiaları əsassızdır, Zümrüd Əliyevadan çağırış zamanı şikayətlər daxil olub. Bu səbəblə ona töhmət verilib. Eyni zamanda, Billur Tağıyeva Zümrüd Əliyevanın psixoloji durumunun normal olmadığını iddia etdi.

"Əgər belədirsə, niyə tibb işçisi kimi xidmət göstərir" sualına cavab olaraq isə qeyd etdi ki, Zümrüd Əliyeva ondan öncəki rəhbərin zamanında işləməyə başlayıb.

Məsələ ilə bağlı TƏBİB-ə də müraciət etdik. Qurumdan bildirldi ki, müraciət aidiyyəti üzrə yönləndirilib, iddialarla bağlı araşdırma aparılır.

Daha ətraflı videomaterialı təqdim edirik.

Milli.Az