PUL
Ermənistan ordusuna 2024-cü ilin yay çağırışı daha 15 gün uzadılacaq və avqustun 15-dək davam edəcək.
Milli.Az axar.az-a istinadən bildirir ki, bu barədə Ermənistan hökumətinin bu gün keçirilən iclasında qərar qəbul edilib.
Qeyd edilib ki, çağırış 24 iyunda başlayıb və 31 iyulda bitməliydi, ancaq daha 15 gün artırılıb. Səbəb kimi bəzi çağırışçıların hələ də tibbi müayinədən keçməməsi göstərilir.
Çağırışçıların indiyə qədər tibbi müayinədən niyə tam keçmədikləri məsələsinə isə aydınlıq gətirilməyib. Ehtimal olunur ki, bu, çağırışçıların hərbidən yayınması və ölkədən müxtəlif yollarla qaçması ilə bağlıdır. Yəni nəzərdə tutulan kvotanı doldurmaq mümkün olmayıb.
Xatırladaq ki. ötən gün hərbidən qaçıb Qazaxıstana sığınan Ermənistan vətəndaşı İrəvana təhvil verilmişdi.
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.png)
.jpg)
