Ermənistan

Gürcüstan-Rusiya sərhədindəki gömrük-keçid məntəqəsi fəaliyyətini bərpa etdi - YENİLƏNİB

6 İyun 2024 14:35

Baxış: 1 210

VTB-də minimal faiz dərəcəsi ilə nağd kredit 10.49%-dən

#GÜRCÜSTAN #ERMƏNİSTAN

14:35

Gürcüstan-Rusiya sərhədində fəaliyyət göstərən Dəryal gömrük-keçid məntəqəsinin fəaliyyəti bərpa edilib.

Milli.Az APA-ya istinadən bildirir ki, məlumatı Gürcüstan DİN yayıb.

Bildirilib ki, Daxili İşlər Nazirliyinin əməkdaşları Ətraf Mühitin Mühafizəsi Milli Agentliyinin tövsiyəsi əsasında Devdoraki vadisində mövcud vəziyyəti nəzərə alaraq avtomobillərin hərəkətinə qoyulan məhdudiyyəti aradan qaldırıb. Hazırda Dəryal sərhəd-keçid məntəqəsinin adi rejimdə işini davam etdirdiyi qeyd olunub.

----------
12:17

Gürcüstanın Rusiya ilə yeganə işlək quru gömrük-keçid məntəqəsinin bütün işçiləri təxliyə edilib.

Milli.Az APA-ya istinadən bildirir ki, məlumatı Gürcüstan Daxili İşlər Nazirliyi (DİN) yayıb. Bildirilib ki, yerli vaxtla 08:36-da Devdorakidə yerləşdirilmiş detektor çay yatağında suyun səviyyəsinin artmasına dair xəbərdarlıq siqnalı göndərib. Bundan sonra protokola əsasən Dəryal gömrük keçid məntəqəsindəki bütün patrul polisləri, gömrük əməkdaşları, sərhəd polisi və özəl şirkətin əməkdaşları təhlükəsiz yerə təxliyə ediliblər. Ətraf Mühitin Mühafizəsi üzrə Milli Agentliyin əməkdaşları və geoloqlar sərhəd polisinə məxsus helikopterlə əraziyə yola düşüblər. Bundan başqa, Qveleti yaxınlığında magistral yol bağlanıb. Hər iki istiqamətdə nəqliyyat vasitələrinin hərəkətinin məhdudlaşdırıldığı bildirilib.

-------------

Ermənistanı Rusiya ilə əlaqələndirən yeganə quru yol bağlanıb.

Milli.Az APA-ya istinadən bildirir ki, Gürcüstanda baş verən qar uçqunu səbəbindən Yuxarı Lars yolu bütün nəqliyyat növləri üçün bağlanıb.

Terek çayında suyun səviyyəsinin qalxdığı, sərhəd keçid məntəqəsinin əməkdaşlarının təxliyə edildiyi bildirilib.

Milli.Az
Xəbərlərimizi WhatsApp kanalımızdan da oxuyun