Kulinariya

Mətbəx sirləri: Şüşədə toyuq - FOTO

15 Noyabr 2014 07:00
7 Şərh     Baxış: 9 260
VTB-də minimal faiz dərəcəsi ilə nağd kredit 9.9%-dən
#KULİNARİYA
Milli.Az balonda toyuğun hazırlanma qaydasını təqdim edir

Balonda toyuq susuz, yağsız bişirilir. Ətri fantastik olur. Dadını isə bişirəndən sonra deyərsiniz. Əminəm, bir dəfə dadandan sonra dəfələrlə hazırlayacaqsınız.

Tərkibi:

1,2-2 kq-lıq toyuq
duz
dənəvər ağ və qara istiot
dəfnə yarpağı
1 iri baş soğan
1 pomidor
1 bolqar bibəri (tərəvəz qisminə özünüz də əlavələr edə bilərsiniz)
1 ədəd 3-litrlik balon
1 dəmir banka qapağı

Tərəvəzi və toyuğu təmizləyib, yuyub doğrayın. Lay-lay balona yığın: toyuq döşəyin, azca duz vurun, üç-dörd istiot dənəsi, dəfnə yarpağı + pomidor + bolqar bibəri və bu minvalla ərzaq bitənədək.

Balona heç bir maye - nə su, nə yağ - əlavə etmək lazım deyil! Onu lap ağzınadək doldurmaq da yaxşı deyil, çünki bişəndə toyuğun və tərəvəzin öz şirəsi çıxır, balondan axsa, əlavə başağrısıdır. Toyuq balacadırsa, tərəvəzi çox edin, böyükdürsə, azaldın. Tərəvəz qismində yerkökü, kartof, kələm istifadə edə bilərsiniz. Kartof istifadə etməyəcəyiniz təqdirdə limon və portağal dilimləri də əlavə etmək olar. Qara gavalı, alça qurusu da ona əla dad verər. 

Balonun ağzına rezinsiz dəmir qapaq qoyun, soyuq (!) sobaya yerləşdirin. (Təbii ki, onu formanın içinə, yaxud dəmir şəbəkənin üstünə qoymaq lazımdır ki, çıxarmaq asan olsun).

Sobanı yandırın, 150 dərəcəyə ayarlayın. 30 dəqiqə bişdikdən sonra 180 dərəcəyədək qaldırın, daha 1-1,5 saat bişirin.
 
Nuş olsun!

Resept: vk.com/academy_main

Milli.Az

Böyütmək üçün şəkillərə klikləyin.

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.