Dünya

Venesuelada zəlzələdə ölənlərin sayı 4 500 nəfəri keçib

13 İyul 2026 23:24

Baxış: 487

VTB-də minimal faiz dərəcəsi ilə nağd kredit 9.9%-dən

#ZƏLZƏLƏ

Venesuelada baş verən dağıdıcı zəlzələlər nəticəsində 4 561 nəfər həlak olub, 16 740 nəfər yaralanıb.

Milli.Az report-a istinadən xəbər verir ki, yenilənmiş məlumatları Bolivar Respublikası Milli Assambleyasının sədri Xorxe Rodriqes təqdim edib.

Onun sözlərinə görə, 17 907 nəfər evsiz qalıb, 190 bina tamamilə dağılıb, 856 bina isə ciddi ziyan görüb. Axtarış-xilasetmə əməliyyatlarının gedişində 6 462 nəfər xilas edilib, 33 085 nəfər tibb müəssisələrində müalicə alıb. 128 324 ailəyə yardım göstərilib, 20 231 nəfər 107 müvəqqəti düşərgədə yerləşdirilib, zərərçəkənlərə 10 063 ton ərzaq paylanıb.

Xatırladaq ki, iyunun 25-ə keçən gecə Venesuelanın şimalında 39 saniyə fərqlə 7,2 və 7,5 maqnitudada iki zəlzələ baş verib. Birləşmiş Millətlər Təşkilatının İnkişaf Proqramı fəlakətin vurduğu ziyanı təxminən 6,7 milyard dollar qiymətləndirir. Axtarış-xilasetmə əməliyyatları davam edir.

Müəllif: Ülkər Vəliyeva (Milli.Az redaktor)