Dünya

Dünya üçün fəlakət tarixi açıqlandı: Okeanlar buxarlanacaq

14 İyul 2026 02:02

Baxış: 471

VTB-də minimal faiz dərəcəsi ilə nağd kredit 9.9%-dən

#DÜNYADA

Alimlər planetimizin milyardlarla il sonrakı gələcəyini simulyasiya edərək, yer üzündəki bitki örtüyünün məhv olacağı və iqlimin dözülməz hala gələcəyi tarixi müəyyən ediblər.

Milli.Az xəbər verir ki, JGR Atmospheres jurnalında dərc olunan araşdırmaya görə, Günəşin yaşlandıqca yaydığı enerjinin artması və atmosferdəki karbon qazı miqdarının azalması qaçılmaz bir dönüşümə səbəb olacaq.

Tədqiqatçılar təxminən 1,9 milyard il sonra Dünya üzrə orta temperaturun 65°C-yə çatacağını bildirirlər. Bu temperatur ən dözümlü bitkilərin belə məhv olması üçün son hədd sayılır.

Günəşin parlaqlığı 20% artdıqda temperaturlar həddindən artıq yüksələcək, fotosintez prosesi qeyri-mümkün hala gələcək və okeanlar buxarlanaraq kosmosda yox olacaq.

Digər bir ssenariyə görə, Dünya karbon qazını qaya süxurlarında topladığı üçün atmosferdə fotosintez üçün lazım olan karbon miqdarı tükənəcək.

Mütəxəssislər qeyd edir ki, bəzi su bitkiləri və sukulentlər (ətyarpaq bitkilər) aşağı karbon səviyyəsində də dirəniş göstərərək həyatı bir müddət uzada bilər, hətta canlılar daha soyuq bölgələrə uyğunlaşaraq təkamül edə bilər.

Nəzəri olaraq, gələcəkdə çox inkişaf etmiş bir sivilizasiya nəhəng kosmik qalxanlarla Günəş şüalarının qarşısını alsa və ya Dünyanın orbitini dəyişərək onu Günəşdən uzaqlaşdırsa, bitki həyatını qorumaq mümkün ola bilər.

Müəllif: Ülkər Vəliyeva (Milli.Az redaktor)