Kulinariya

Mətbəx sirləri: Çin börəyi

20 İyul 2014 07:00
5 Şərh     Baxış: 5 074
VTB-də minimal faiz dərəcəsi ilə nağd kredit 9.9%-dən
#KULİNARİYA
Milli.Az "Sofra" dərgisinə istinadən çin börəyinin (spring rolls) hazırlanma qaydasını təqdim edir

Tərkibi:

4 yuxa
4-5 yumurta sarısı
5-6 dilim boyat çörək

iç:

1 kartof
1 soğan
1 diş sarımsaq
2 yerkökü
2 qırmızı bolqar bibəri
2 qırmızı acı istiot
1 ç.q. duz
1 ç.q. şəkər tozu
1 x.q. soya sousu
1 x.q. küncüt yağı
500 q qiymə
1 ç.q. kərə yağı

qızartmaq üçün bitki yağı

Kartof, soğan, sarımsaq və yerkökünün qabığını soyub 4 yerə bölün. Bibər və istiotları, duz, şəkər tozu, soya sousu və küncüt yağını da əlavə edib blenderdən keçirin (çox xırdalamayın).
 
Tavaya töküb qiymə və kərə yağı əlavə edərək bişirin.

Hər yuxanı 6 yerə bölün (cəmi 24 ədəd üçbucaq alınacaq).

Üçbucaq yuxaların geniş hissələrinə soyumuş içdən qoyub siqara börəyi kimi bükün.

Boyat çörək dilimlərini 170 dərəcə qızdırılmış sobada qızardın. Blenderdən keçirin. Börəkləri öncə çalınmış yumurta sarısına, sonra çörək ovuntuğuna batırıb qızdırılmış bitki yağında qızardın.

Süfrəyə isti-isti verin.

Nuş olsun!

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.