Kulinariya

Mətbəx sirləri: Burfi - FOTO

5 Aprel 2014 07:00

15 Şərh Baxış: 4 575

VTB-də minimal faiz dərəcəsi ilə nağd kredit 9.9%-dən

#KULİNARİYA

Milli.Az hind mətbəxindən burfi şirniyyatının hazırlanma qaydasını təqdim edir

Tərkibi:

200 q kərə yağı
200 q şəkər tozu
1 paket vanilli şəkər
225 ml 35%-li qaymaq
450 q 25%-li quru süd
qovrulmuş keşyu (bəzək üçün)

Kərə yağı, şəkər tozu, vanilli şəkəri bir qazanda qarışdırın, ocağın üstünə qoyun (teflon örtüklü qazandan istifadə etməyin, heç nə alınmaya bilər).

Şəkər tozu əriyənədək qarışdırın. Eynicinsli kütlə alınmalıdır.

Qaymaq əlavə edib qarışdırın, qaynara düşəndən sonra daha 5 dəqiqə bişirin.

Ləyənə töküb bir az soyudun.

Kənarı hündür dördbucaqlı formanın içinə qida plyonkası çəkin, yağlayın.

Azca soyumuş kütləyə quru süd əlavə edib mikserlə qatılaşıb çalmaq çətinləşənədək çalın.

Kütləni hazırladığınız formaya döşəyin.

Əlinizi isladıb bürfinin üzərini hamarlayın.

Bıçaqla üzərində perpendikulyar şəridlər çəkin (bərkiyəndən sonra isə kvadradlara bölün, hər birinin ortasına qovrulmuş keşyu basın).

Soyuducuda 6 saat saxlayın.

Donmuş burfini bıçaqla nişanladığınız yerlərdən kvadratlara bölün.