Kulinariya

Mətbəx sirləri: "Ayı pəncəsi"

3 Avqust 2013 07:00

62 Şərh Baxış: 7 787

VTB-də minimal faiz dərəcəsi ilə nağd kredit 9.9%-dən

#KULİNARİYA

Milli.Az sofra.com-a istinadən "Ayı pəncəsi" bulkasının hazırlanma qaydasını təqdim edir

Tərkibi:

xəmir:
250 q yumşaldılmış kərə yağı
1/2 armudu stəkan ilıq su
15 q quru maya
3 yumurtanın sarısı
2 ç.q. şəkər tozu
1 ç.q. duz
3/4 su st. süd
4,5 st. (500 q) un

iç:
4-5 ədəd kartof
100 q ağ pendir
3 yumurtanın ağı
istiot
duz

üzərinə:
1 yumurtanın sarısı

Göstərilən ərzaqlardan xəmir yoğurub 1 saat müddətində, həcmi iki dəfə artıncayadək isti yerdə saxlayın.

Kartofu suda bişirin. Püre halına salın. Pendiri çəngəllə əzin. 3 yumurtanın ağı, duz və istiotla birlikdə kartofa əlavə edin. Zövqünüzə görə digər ədviyyatlar və göyərti, həmçinin soğan əlavə edə bilərsiniz.

Gəlmiş xəmirdən 18 kündə tutun. Hər birini dördbucaq formada yayın. Uzun tərəfi boyunca içdən qoyub rulet kimi bükün. Hər ruletin "tikiş" olan tərəfini alta qoyun. Kənarlarından bərabər məsafələrdə bıçaqla 5 kəsik atın, sonra aypara kimi əyin. Bütün ruletləri bu qaydada hazırlayandan sonra içinə perqament döşənmiş siniyə düzün, üzərinə yumurta sarısı çəkin, əvvəlcədən 200 dərəcə qızdırılmış sobada üstü qızarıncayadək bişirin.

Nuş olsun!

Milli.Az