3 addımda qüsursuz plov resepti

Hər süfrənin vazkeçilməzi olan dənə-dənə plov hazırlamağın incəliklərini özündə birləşdirən bu resept düzgün düyü hazırlığı, ideal qovurma müddəti və nəzarətli bişirmə üsulu sayəsində hər dəfə mükəmməl nəticə almağınıza kömək edəcək.

Milli.Az lazım olan ərzaqları təqdim edir:

2 stəkan düyü

2,5 stəkan isti su

2 xörək qaşığı kərə yağı

2 xörək qaşığı bitki yağı

1 çay qaşığı duz

Hazırlanması:
Düyünü bol su ilə bir neçə dəfə yuyun. Daha sonra üzərini keçəcək qədər ilıq su və 1 çay qaşığı duz əlavə edib təxminən 15-20 dəqiqə saxlayın. Vaxt tamam olduqdan sonra düyünü yenidən yuyub süzün və suyunun tam süzülməsini gözləyin.

Geniş bir qazanda kərə yağı və bitki yağını birlikdə qızdırın. Süzülmüş düyünü qazana əlavə edin və taxta qaşıqla ehtiyatla qarışdıraraq təxminən 4-5 dəqiqə qovurun. Düyülər yüngülcə şəffaflaşanda qovurma prosesi tamamlanmış sayılır.

İsti su və duzu əlavə edin. Bir dəfə qarışdırdıqdan sonra qazanın qapağını bağlayın və plovu əvvəlcə orta odda qaynamağa qoyun. Qaynamağa başladıqdan sonra ocağı ən aşağı dərəcəyə qoyun və suyu tam çəkənə qədər bişirin. Ocağı söndürdükdən sonra qazanın üzərinə təmiz mətbəx dəsmalı qoyub qapağını bağlayın. Plovu 10-15 dəqiqə dincəlməyə qoyun, daha sonra dənə-dənə olması üçün ehtiyatla qarışdırıb servis edin.

Düyünü nişastası çıxana qədər mütləq yuyun və ilıq suda gözlədin. Bu, plovun dənə-dənə olmasına kömək edir.

Qovurma mərhələsinə tələsməyin. Düyülərin yüngülcə şəffaflaşması bişmə zamanı qırılmadan dənə-dənə qalmasını təmin edir.

Düyüyə mütləq isti su əlavə edin. Soyuq su bişmə müddətini uzada və plovun keyfiyyətini aşağı sala bilər.

Su əlavə etdikdən sonra plovu çox qarışdırmayın. Çox qarışdırmaq düyülərin qırılmasına və plovun ləpələşməsinə səbəb olur.

Bişmə prosesi bitdikdən sonra plovu mütləq 10-15 dəqiqə dəsmal altında dincəldin. Bu üsul artıq nəmi çəkir və dənələrin bir-birindən ayrılmasına kömək edir.

Nuş olsun!

Müəllif: Ülkər Vəliyeva (Milli.Az redaktor)