Kulinariya

Mətbəx sirləri: Çar toyuğu

11 Avqust 2012 07:00
0 Şərh     Baxış: 1 337
VTB-də minimal faiz dərəcəsi ilə nağd kredit 9.9%-dən
Tərkibi:

1,5 kq-lıq toyuq
1 pomidor
1 baş soğan
2 x.q. mayonez
1 çiy yumurta
200 q şampinyon
2-3 diş sarımsaq
100 q pendir
ağ istiot - istəyə görə
karri- istəyə görə
duz- istəyə görə
bitki yağı
bəzək üçün: kahı yarpağı, zeytun, pomidor, göyərti

Toyuğu qarın hissəsindən iki hissəyə bölün, dərisini yırtmadan içindəki bütün sümükləri çıxarın. Nəticədə iki iri toyuq filesi alınacaq.

Ətin üstünü bıçaqla çərtin və döyün. Üstünə xırdalanmış sarımsaq, duz və ağ istiot səpin, soyuq yerdə 10-15 dəqiqə saxlayın.

Pomidorla göbələyi xırda doğrayıb bitki yağında 15 dəqiqə bişirin.

Yumurtanı mayonezlə çalın, sonra pomidorla göbələyin üstünə tökün.

Alınan omleti sobada 200 dərəcə temperaturda 15 dəqiqə bişirin.

Hazır omleti soyudub 4 yerə bölün. Sonra hər filenin üstünə iki omlet qoyun, üstünə sürtgəcdən keçirilmiş pendir səpin, rulet kimi bükün.

Ruletləri yağlanmış siniyə, "tikiş" hissəsi aşağı olmaqla düzün. 200 dərəcə qızdırılmış sobada 30 dəqiqə bişirin.  

Hazır ruleti doğrayın, içinə kahı yarpağı döşənmiş buluda qoyun, üstünü zeytun, göyərti və pomidor dilimlərilə bəzəyin.

Nuş olsun!

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.