23:15
ABŞ-ın Arlinqton şəhərindəki məktəbdə silahlı insident törətməkdə şübhəli bilinən yeniyetmə saxlanılıb.
Milli.Az APA-ya istinadən bildirir ki, bu barədə yerli polis idarəsinin "Twitter" səhifəsində məlumat yerləşdirilib.
"Şübhəli şəxs heç bir insident olmadan saxlanıldı, ona qarşı ağırlaşdırılıcı şəraitdə odlu silahla hücum ittihamı irəli sürülüb", - məlumatda belə deyilir.
Polis idarəsindən bildirilir ki, 4 nəfərin yaralandığı atışmanı 18 yaşlı məktəb şagirdi Timoti Corc Simpkins törədib.
---------
22:20
ABŞ-ın Texas ştatının Arlinqton şəhərində məktəbdə baş vermiş atışma nəticəsində 4 nəfər yaralanıb.
Milli.Az APA-ya istinadən bildirir ki, bu barədə Arlinqton polis idarəsi rəisinin köməkçisi Kevin Kolbye brifinqdə məlumat verib.
"Dörd yaralımız var", - Kolbye belə deyib və əlavə edib ki, onlardan ikisi odlu silah yarası alıb.
Bildirilir ki, atışmanı şagirdlərdən biri əlbəyaxa dava zamanı törədib.
Milli.Az