Maraqlı

Südü illərdir soyuducuda səhv yerdə saxlayırmışıq

20 Noyabr 2025 08:41
Baxış: 1 738
VTB-də minimal faiz dərəcəsi ilə nağd kredit 9.9%-dən
#MARAQLI

Süd demək olar ki, hər evin əsas qida məhsullarından biridir. Lakin mütəxəssislərin sözlərinə görə, bir çox insan südü soyuduucda səhv yerdə saxlayır. Soyuducunun qapısına qoyulan süd gözləniləndən daha tez xarab olur.

Milli.Az xəbər verir ki, mütəxəssislər bildirirlər ki, südü soyuducunun qapısında saxlamaq doğru deyil.

Bunun əsas səbəbi, soyuducu qapısının ən isti və temperatur dəyişkənliyinin ən çox olduğu hissə olmasıdır. Qapı hər açıldıqda isti hava ilk olaraq bu hissəyə daxil olur və bu da südün temperaturunun tez-tez dəyişməsinə səbəb olur.

Mütəxəssislərə görə, südün daha uzun müddət təzə qalması üçün onu soyuducunun arxa hissəsində - temperaturun sabit qaldığı yerdə saxlamaq lazımdır.

Südün ideal saxlanma temperaturu 2-4°C arasındadır.

Bundan başqa, süd açıldıqdan sonra istifadədən dərhal sonra yenidən soyuducuya qoyulmalı və əsla qapı rəfində saxlanmamalıdır. Mütəxəssislər eyni qaydaların bitki mənşəli südlərə də aid olduğunu bildirir. Bu, qutunun içində bakteriyaların çoxalmasının qarşısını alır və qidanın təhlükəsiz istifadəsini təmin edir.

Soyuducunun qapısı tez-tez açılıb-bağlandığı üçün süd kimi həssas qidalar üçün uyğun deyil. Lakin souslar, mürəbbələr və şüşədəki içkiləri burada təhlükəsiz şəkildə saxlamaq mümkündür.

Lalə Qüdrətova
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.