Şou-biznes

"33 yaşım var, 25 yaşlı oğlana ərə getmək istəyirəm"

19 Noyabr 2025 13:48

Baxış: 14 951

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #MƏŞHURLAR #QALMAQAL #AİLƏ #MÜĞƏNNİ #MODEL #ŞOU

"Miss Azerbaijan 2019"un qalibi Səmra Hüseynova verilişdə açıqlaması ilə gündəmə gəlib.

Milli.Az-ın məlumatına görə, model Səmra Hüseynova ilə müğənni Ofelya Şabanova arasında "Öz aramızda" verilişində canlı yayım zamanı fikir ayrılığı yaşanıb.

Söhbət zamanı 33 yaşlı model 25 yaşlı oğlanla ailə qurmaq istədiyini dilə gətirib. Bu açıqlama tamaşaçılar tərəfindən etirazla qarşılanıb.

Onlardan biri canlı efirə telefonla qoşularaq Hüseynovanı ittiham edib:

"33 yaşın var, camaatın 25 yaşlı oğlunu niyə bədbəxt edirsən?"

Səmra Hüseynova bildirib ki, qadın heç vaxt qadın düşməni olmamalıdır və ailə yalnız ərə qul olmaq üçün qurulmur:

"Hər gün yemək bişirib, qabağına çay gətirməli deyiləm, bunu kişi özü də edə bilər. Kişilərin 90 faizi baxımsızdırlar və qarınlıdırlar. Həyat yoldaşı çay gətirməyi xahiş edə bilər, qadın da özünü yaxşı hiss edirsə və əsəbi deyilsə, gətirər. Qadını alçaldıb "corab yumalı, çay gətirməli" demək olmaz. Onu bu səviyyəyə endirmək düzgün deyil".

Modelin bu açıqlaması sosial şəbəkələrdə də müzakirə mövzusuna çevrilib və tamaşaçılar fərqli fikirlərini bölüşüblər.

Hüseyn
Milli.Az