Dünya

Qırğızıstanda yeni Konstitusiya bu tarixdə qüvvəyə minəcək

27 Aprel 2021 17:29
Baxış: 455
VTB-də minimal faiz dərəcəsi ilə nağd kredit 10.49%-dən

1 iyuldan etibarən Qırğızıstanda yeni Konstitusiya və yeni qanunlar qüvvəyə minəcək.

Milli.Az qafqazinfo-ya istinadən xəbər verir ki, bu barədə Qırğızıstan Prezidenti Sadır Japarov "KTRK" teleradio korporasiyasına verdiyi müsahibədə məlumat verib.

Onun sözlərinə görə, bu həftə MSK Konstitusiya ilə bağlı referendumun nəticələrini təhvil verməlidir.

"Bundan sonra yeni Konstitusiya qüvvəyə minəcək. Ancaq qanunlar iki ay ərzində - millət vəkillərinin tətilindən əvvəl qəbul ediləcək. Bütün qanunları uyğunlaşdırmalıyıq. 17 paket qanun layihəsi hazırlanıb. Onları parlamentə təqdim edəcəyik. 1 iyuldan etibarən yeni qanunlara və yeni Konstitusiyaya uyğun yaşayacağıq",-deyə Japarov qeyd edib.

Dövlət başçısı xalqın Prezident idarəetmə formasını seçdiyini, bu səbəbdən bu idarəetmə formasının tətbiq olunacağını bildirib.

"İcra hakimiyyətinə Prezident, sonra Nazirlər Kabinetinin sədri, sonra nazirlər rəhbərlik edəcəklər. Əvvəllər Prezident və hökumət ayrılmışdısa, indi birləşəcək",- deyə S. Japarov əlavə edib.

Qırğızıstan Prezidentinin sözlərinə görə, yeni Konstitusiya əsasında ölkədə islahatlar aparılacaq, bürokratiya olmayacaq və qərarlar lazımsız gözlətmələr olmadan dərhal veriləcək.

Milli.Az

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.