Dünya

İsveç hökuməti "AstraZeneca" vaksinlərinin təchizatının azalmasından narahatdır

14 Mart 2021 20:30

Baxış: 620

VTB-də minimal faiz dərəcəsi ilə nağd kredit 10.49%-dən

#DÜNYADA #KORONAVİRUS

İsveç hökuməti "AstraZeneca" şirkətinin hazırladığı vaksin dozalarının təchizatının azalmasından narahatdır.

Milli.Az AZƏRTAC-a istinadən bildirir ki, əvvəlki proqnozlarla müqayisədə İsveç 2021-ci ilin birinci yarısında "AstraZeneca" preparatını 3,3 milyon doza az alacaq. Bu baxımdan, Sosial İşlər Naziri Lena Hallengren və İctimai Səhiyyə Agentliyinin əməkdaşı dövlət epidemioloqu Anders Tegnell vətəndaşların vaksinasiyasının cari qrafikinin vaxtında yerinə yetirilməsi imkanlarına şübhə etdiklərini söyləyiblər.

Cümə axşamı "AstraZeneca" şirkətinin Avropa İttifaqına veriləcək vaksinlərin sayını bu ilkin ikinci rübündə iki dəfə azaldacağını bəyan etməsi gözlənilən gecikmələrə səbəb olub. Problem, şirkətin böyük istehsal sahələrinin yerləşdiyi ABŞ, Böyük Britaniya və Hindistandan vaksinlərin ixracına qadağaların tətbiq edilməsidir.

Milli.Az