Sağlamlıq

Hər gün zeytun yağı içdi, başına elə şeylər gəldi ki...

22 Noyabr 2025 15:43

Baxış: 1 598

VTB-də minimal faiz dərəcəsi ilə nağd kredit 9.9%-dən

#SAĞLAMLIQ #QİDA #MEYVƏ-TƏRƏVƏZ

Son vaxtlar sosial şəbəkələrdə gündəlik zeytun yağı içmək trendi geniş yayılıb.

Milli.Az xarici mediaya istinadla xəbər verir ki, dietoloq Loren Manaker bu vərdişin sağlamlığa real təsirini görmək üçün bir həftə boyunca hər gün zeytun yağı qəbul etməyi sınaqdan keçirib.

Manaker zeytun yağının sağlam yağlar və antioksidantlarla zəngin olduğunu qeyd edərək onun orqanizmdə faydalı proseslər yaratdığını vurğulayıb. Təcrübənin ilk günlərində yağı birbaşa içməyə çalışsa da, dadından tez yorulduğu üçün onu qəhvəyə, popkorna və müxtəlif tərəvəz yeməklərinə əlavə etməyə başlayıb.

Dietoloq bir həftəlik sınağın sonunda özündə ciddi dəyişiklik hiss etmədiyini bildirib:

"Daha enerjili oyanmadım, işdə diqqətim artmadı, dəri və saçımda da fərq görmədim".

Onun ən çox narahat olduğu mədə problemləri də baş verməyib:

"Zeytun yağının bəzi insanlarda dərhal həzmə təsir etdiyini oxumuşdum, amma məndə belə olmadı".

Manaker qeyd edib ki, müşahidə olunan dəyişikliklərin az olması zeytun yağının təsirsiz olduğu demək deyil:

"Orqanizmdə iltihab və oksidləşdirici stresslə mübarizə kimi prosesləri hiss etmirsiniz, amma bu proseslər baş verə bilər".

Təcrübə yalnız bir həftə davam etdiyinə görə uzunmüddətli təsirlərin necə olacağı məlum deyil.

Elm nə deyir?

Zeytun yağı sağlam yağlar və güclü antioksidantlarla zəngindir. Bu xüsusiyyətləri sayəsində xolesterini aşağı salmağa, ürək-damar sistemini qorumağa, beyin fəaliyyətini dəstəkləməyə və hətta arıqlamağa kömək edir. Lakin yüksək kalori dəyərlərinə görə onun qəbulunu nəzarətdə saxlamaq vacibdir.

Hüseyn
Milli.Az