Cəmiyyət

“OBA”dan şəhid qızı Nülufərin dilindən təsirli Zəfər hekayəsi - (Foto)

7 Noyabr 2026 19:15

Baxış: 155

VTB-də minimal faiz dərəcəsi ilə nağd kredit 9.9%-dən

"OBA" marketlər şəbəkəsi 8 Noyabr - Zəfər Gününə həsr olunmuş videoçarx təqdim edib. "Bizim qəhrəmanlarımızın supergücü Vətən sevgisidir!" mesajı ilə hazırlanan videoçarx Vətən uğrunda canından keçən qəhrəmanlarımızın əziz xatirəsinə ithaf olunub.

Zəfərin altıncı ildönümünə özəl təqdim olunan videoçarx şəhid Süleyman Bağırovun şəhidlik zirvəsinə ucalmasından sonra dünyaya gələn qızı Nülufərin dilindən nəql edilir. Atasını görmək nəsib olmayan Nülufər balanın dilindən səslənən qəhrəmanlıq hekayəsi Vətən sevgisini və övlad qürurunu bir araya gətirir.

Vətən müharibəsində döyüş yoldaşlarını qoruyarkən öz canından keçən Süleyman Bağırovun fədakarlığı videoçarxın əsasını təşkil edir. Onun hekayəsi qəhrəmanlarımızın gücünün qorxmadan irəli atılmaqda, çiyin-çiyinə döyüşməkdə və Vətəni canından üstün tutmaqda olduğunu xatırladır.

"OBA" Süleyman Bağırovun timsalında Vətən uğrunda son nəfəsinədək mübarizə aparan, bizə azadlığın və Zəfərin qürurunu yaşadan Obamızın qəhrəman övladlarını dərin ehtiramla yad edir. Videoçarx onların xatirəsini yaşatmağa və fədakarlığını gələcək nəsillərə çatdırmağa çağırır.

"Onların qəhrəmanlığı tariximizə, adları qəlbimizə yazılıb. Unutmadıq, unutmayacağıq!" mesajı ilə təqdim olunan videoçarx şəhidlərimizə minnətdarlığın və ehtiramın ifadəsidir.