Dünya

Koronavirus peyvəndinə qarşı əks göstərişlər açıqlandı

28 Yanvar 2021 10:01
Baxış: 1 124
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Kəskin respirator xəstəliyi olan insanlar, COVID-19 testinin cavabı müsbət çıxanlar, postkovid vəziyyətdəkilər, həmçinin IgM anticisimləri olanlar və ağır xəstəlikdən əziyyət çəkənlər peyvənddən imtina etməlidirlər.

Milli.Az lent.az-a istinadən bildirir ki, bu barədə Corc Meyson Universitetinin Sistem Biologiyası Məktəbinin professoru Ança Baranova xəbərdarlıq edib.

"Məsələn, anticisimlər üçün qan analizi vermisiniz. Əgər orqanizmdə "M immunoglobulinləri" tapılıbsa bu, immun cavabınızın formalaşmağa davam etdiyini göstərir. Yəni, PZR testiniz mənfi çıxsa belə, bədən virusla təmasdadır. Bəlkə də virus "gizlənib", bağırsaqlarda və ya başqa bir yerdə "oturur". Bu vəziyyət persistensiya adlanır", - deyə bioloq izah edib.

Mütəxəssis bildirib ki, orqanizmdə IgM olmadan yalnız IgG anticisimlərinin olması isə "postkovid vəziyyət"dir:

"IgG varsa peyvəndləməyin heç bir mənası yoxdur. Bu halda yaxşı olar ki, vaksin növbəsi başqasına ötürülsün", - deyə professor tövsiyə edib.

Ança Baranova immunosupressiya və ya dağınıq sklerozu olan insanların da peyvənddən imtina etməli olduğunu vurğulayıb.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.