Dünya

Karantin rejimi tətbiq olunmayan ölkədə koronavirusdan ölənlərin sayı 60 minə çatır

1 İyul 2020 12:15

Baxış: 3 625

VTB-də minimal faiz dərəcəsi ilə nağd kredit 9.9%-dən

#DÜNYADA #BRAZİLİYA #KORONAVİRUS

Koronavirusa yoluxanların sayı 10 milyon yarımı keçib.

Milli.Az xəbər verir ki, Ümumdünya Səhiyyə Təşkilatının bugünkü statistikasına əsasən dünya üzrə yeni növ koronavirusa yoluxanların sayı 10,599,525-ə çatıb. 514,298 nəfər Covid-19 nəfər səbəbi ilə dünyasını dəyişib.

Bu xəstəlikdən müalicə olunaraq sağalanların sayı isə 5,812,017 nəfərdir. Mütəxəssislərin fikrincə koronavirusdan tamamilə sağalmaq mümkün deyil. Belə ki, koronavirusdan sağalan şəxslərin ağciyərlərinin fəaliyyəti xeyli zəifləyir, gələcəkdə sürətli hərəkət zamanı təngnəfəsliyə səbəb olur.

ABŞ koronavirusa yoluxanların və ölənlərin sayına görə siyahıda uzun müddətdir ki liderdir. Siyahıda ikinci yeri Braziliya, üçüncü yeri isə Rusiya tutur.

Karantin rejimi tətbiq olunmayan Braziliyada yeni növ koronavirusdan ölənlərin sayı 60 minə çatır. Bu ölkədə 1 milyon 400 min insan koronavirusa yoluxub.

Braziliyada keçirilən karnavaldan bir gün sonra, fevralın 26-da ilk dəfə COVİD-19 infeksiyasına yoluxma halı təsdiqlənib. Koronavirusu ciddi qəbul etməyən ölkə başçısı Jair Bolsonaro bir müddət əvvəl sosial izolyasiya tədbirlərinin keçirilməsinə etiraz məqsədi ilə təşkil olunan aksiyada iştirak edib.

Qeyd edək ki, Koronavirus infeksiyası ötən ilin noyabr ayında Çinin Uhan şəhərindən yayılmağa başlayıb. Hazırda virus 213 ölkə və bölgədə qeydə alınıb. Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib.

Bəxtiyar Umarlı
Milli.Az