Dünya

Koronavirus BƏƏ-yə də ayaq açdı

29 Yanvar 2020 10:55
6 Şərh     Baxış: 2 228
VTB-də minimal faiz dərəcəsi ilə nağd kredit 10.49%-dən

Birləşmiş Ərəb Əmirliklərində (BƏƏ) ilk dəfə koronavirusun yeni növünə yoluxma halı qeydə alınıb.

Milli.Az qafqazinfo-ya istinadən xəbər verir ki, bu barədə BƏƏ-nin Səhiyyə Nazirliyi məlumat yayıb.

"BƏƏ-də koronavirusa ilk yoluxma halı baş verib. Hazırda xəstənin vəziyyəti stabildir, həkim nəzarəti altındadır", - nazirlikdən bildirilib.

Qurumdan virusa kimin harada və necə yoluxduğuna dair məlumat verilməyib.

Qeyd edək ki, son məlumatlara görə, Çində dekabrın sonlarında yayılan koronavirusa təxminən 6 min insan yoluxub, onlardan 132-si dünyasını dəyişib.

Bundan əlavə, Tailand, Avstraliya, Sinqapur, Yaponiya, ABŞ, Fransa və Almaniya da daxil olmaqla bir sıra ölkələrdə virusa yoluxma halları qeydə alınıb.

Milli.Az

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.