Sağlamlıq

Xərçəng stressdən yaranmır, əsas səbəbi budur - Onkoloq açıqladı

7 Oktyabr 2025 23:47

Baxış: 1 783

VTB-də minimal faiz dərəcəsi ilə nağd kredit 9.9%-dən

#SAĞLAMLIQ

Xərçəng xəstəliyinin yaranmasının 90 faizi stresslə deyil, insanın həyat tərzi ilə bağlıdır.

Milli.Az xəbər verir ki, bu barədə onkoloq, tibb elmləri doktoru, professor Konstantin Titov bloger Aleksandr Sokolovskinin podkastında danışıb.

Mütəxəssisin sözlərinə görə yayılmış fikirin əksinə olaraq, stress xərçəngin yaranma səbəbi deyil, lakin artıq mövcud olan şişin böyüməsini sürətləndirə bilər. Əksər hallarda xəstəliyin əsas səbəbi insanın gündəlik vərdişləri və yanlış həyat tərzidir.

"İnsan bədəninə mütəmadi şəkildə zərər vurur. Bunun səbəbi zövqə meyildir. Siqaret çəkmə və piylənmə onkoloji xəstəliklərdən ölüm hallarının təxminən 40 faizini təşkil edir. Ümumilikdə xərçəngin 90 faizi həyat tərzindən, qalan hissəsi isə irsiyyətdən qaynaqlanır," - deyə həkim vurğulayıb.

Titov əlavə edib ki, analizsiz və həkim nəzarəti olmadan qəbul edilən vitaminlər və bioloji aktiv əlavələr də bədxassəli şişlərin yaranma riskini artıra bilər. Onun sözlərinə görə, vitamin çatışmazlığı olsa belə, həkim məsləhəti olmadan düzgün dozanı təyin etmək çox çətindir. Hətta vitaminlərin həddindən artıq qəbulu da sağlamlığa ciddi zərər vura bilər.

İsmayıl
Milli.Az