Maraqlı

Maaşının 330 qatı bank hesabına köçən işçi istefa verdi - üstəlik məhkəməni də uddu

8 Oktyabr 2025 00:13

Baxış: 8 305

VTB-də minimal faiz dərəcəsi ilə nağd kredit 9.9%-dən

#DÜNYADA

Çilidə qida şirkətində işləyən əməkdaşın hesabına maaşının 330 qatı miqdarda pul köçürülüb. İşçi bu səhvi gördükdən sonra vəzifəsindən istefa verib, şirkət onu məhkəməyə versə də, qalib gələn tərəf əməkdaş olub.

Qida şirkəti Dan Consorcio Industrial de Alimentos de Chile-də ofis assistenti vəzifəsində çalışan şəxsin aylıq maaşı təxminən 500 min peso (təxminən 876 AZN) olub. Lakin 2022-ci ilin may ayında onun hesabına səhvən 165 milyon peso (təxminən 291 min AZN) köçürülüb.

İşçi vəziyyəti anlayıb şirkətə məlumat verib və İnsan Resursları bölməsi ilə görüşüb. Şirkət iddia edir ki, işçi pulu geri qaytaracağına söz verib. Amma o, üç gün sonra istefa ərizəsini təqdim edib və məsələni hüquqi müstəviyə daşıyıb.

Üç il davam edən məhkəmə prosesində şirkət rəhbərliyi işçini "oğurluq"da ittiham edib. Əgər bu ittiham qəbul olunsaydı, işçi 540 günə qədər həbs və cərimə ilə üzləşə bilərdi.

Lakin Santiago şəhərindəki məhkəmə hakimi işi rədd edib. Qərarda hadisənin oğurluq deyil, "icazəsiz ödəniş" olduğu və bu səbəbdən cinayət qanununa görə cəza tələb etmədiyi vurğulanıb.

Şirkət isə qərarla razılaşmayaraq, "Pulun geri qaytarılması üçün bütün hüquqi yolları, o cümlədən qərarın ləğvi üçün müraciət edəcəyik" bəyanatını verib.

Lalə Qüdrətova
Milli.Az