Sağlamlıq

Balıqla bu tərəvəzi bir yerdə yeməyin!

8 Oktyabr 2025 01:01
Baxış: 17 166
VTB-də minimal faiz dərəcəsi ilə nağd kredit 9.9%-dən
#SAĞLAMLIQ #MEYVƏ-TƏRƏVƏZ

Balıq sağlam qida mənbəyi kimi tanınsa da, onu bəzi tərəvəzlərlə birlikdə yemək orqanizm üçün faydalı olmaya bilər. Qidalanma və Pəhriz Mütəxəssisi Kamuran Diğdem Özkahya xəbərdarlıq edir ki, rukkola (arugula) ilə balığın birlikdə qəbulu kalsiumun udulmasını azaldır və həzm sisteminə mənfi təsir göstərir.

Milli.Az xəbər verir ki, mütəxəssis bildirir ki, rukkola(rokka) yüksək dəmir və turşuluğa malik olduğundan, xüsusilə sümükləri ilə yeyilən kiçik balıqlarda olan kalsiumun bədənə sorulmasını çətinləşdirir. Bu, kalsium çatışmazlığına və sümüklərin zəifləməsinə gətirib çıxara bilər.

Bundan başqa, rukkolanın mədə turşusunu artırması və balığın ağır zülal tərkibi həzm balansını poza bilər. Nəticədə, ürəkbulanma, şişkinlik və reflü kimi narahatlıqlar yarana bilər.

Mütəxəssislər bu kombinasiyanın həmçinin sinir sisteminə mənfi təsir göstərə biləcəyini, bəzi insanlarda başgicəllənmə və yorğunluğa səbəb ola biləcəyini qeyd edirlər.

Xüsusilə mədəsi həssas olanlar, balıqla rukkolanı birlikdə yeməkdən çəkinməlidirlər. Ən ideal seçim - balığı neytral tərəvəzlərlə, məsələn brokoli, ispanaq və ya buxarda bişmiş tərəvəzlərlə birləşdirməkdir.

Balıq sağlamdır, amma düzgün kombinasiya ilə yeyilməzsə, faydasından çox zərər gətirə bilər. Rukkola ilə birgə istehlakdan uzaq durmaq orqanizmin kalsium balansını qorumağa kömək edər.

Fidan
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.