İdman

Qalatasarayın ulduzuna elçi düşdülər - 40 milyon avroluq təklif

7 Oktyabr 2025 22:42
Baxış: 1 340
VTB-də minimal faiz dərəcəsi ilə nağd kredit 9.9%-dən
#QALATASARAY

İngiltərənin Premyer Liqa təmsilçisi West Ham United, UEFA Çempionlar Liqasında Qalatasarayın Liverpool üzərində qazandığı qələbədə parlaq çıxışı ilə diqqət çəkən Barış Alper Yılmazı transfer etmək üçün hərəkətə keçib.

Milli.Az Türkiyə mətbuatına istinadən xəbər verir ki, West Ham United qış transfer dönəmində 25 yaşlı futbolçunu heyətinə qatmaq niyyətindədir və bu transfer üçün 40 milyon avro ödəməyə hazırdır. İngilis klubunun Barış Alperi hücum xəttinin sol cinahı üçün ideal seçim hesab etdiyi bildirilir.

Bu mövsüm Qalatasaray forması ilə 8 matça çıxan Barış Alper, 3 qol vurub və 4 qolun ötürməsini edib. Onun çıxışı həm Türkiyədə, həm də Avropada geniş maraq doğurub.

Qeyd edək ki, Qalatasaray yay transfer pəncərəsində Səudiyyə Ərəbistanı klubundan Barış Alper üçün gələn 40 milyon avroluq rekord təklifi rədd etmişdi. İstanbul klubu həmin vaxt "50 milyon avrodan aşağı təklif qəbul edilmir" cavabını vermişdi.

İndi isə West Ham United bu transfer üçün ciddi şəkildə hazırlaşır və danışıqların qışda rəsmi mərhələyə keçəcəyi gözlənilir.

Lalə Qüdrətova
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.