Dünya

ABŞ-ın Ankaranı qorxutması ilk dəfə deyil - Rus ekspert

10 Mart 2019 12:57
1 Şərh     Baxış: 921

Vaşinqtonun Ankaranı qorxutması birinci dəfə deyil.

Milli.Az Axar.az-a istinadən xəbər verir ki, bunu rusiyalı siyasi ekspert Vladimir Bruter Pentaqon sözçüsü Çarlz Sammersin Türkiyənin Rusiyadan S-400 raket əleyhinə müdafiə sistemləri almasının nəticələrinin ağır olacağı ilə bağlı sözlərini şərh edərkən söyləyib.

"Mediada Türkiyənin ABŞ-a təslim olması variantı da yazılır. Bu, Türkiyə üçün qəbuledilməzdir. Çünki belə bir vəziyyətdə Türkiyə subyektivliyini itirəcək və ABŞ-ın tamamilə asılı bir müştərisinə çevriləcək. ABŞ təzyiq etməyə davam edəcək və Ankaradan razılaşmanı ləğv etməyini istəyəcək", - Bruter deyib.

Ekspert Türkiyənin ABŞ-a qulaq asmayacağını, Rusiyanın silah sistemlərini almasının Ankaraya müstəqil xarici siyasət yeritməsinə imkan verəcəyini vurğulayıb:

"ABŞ-ın Türkiyəyə qarşı bəzi sanksiyalar və məhdudiyyətlər tətbiq edəcəyi gözlənilə bilər. Amma Vaşinqton Ankarayla münasibətlərinin pisləşməsini istəmir və dialoqun davam etdirilməsi ilə Türkiyənin ABŞ-ın təsirində qalmasını zəmanət altına alacağını düşünür. Bu səbəbdən S-400-lə bağlı bütün müzakirələrdən sonra ABŞ-ın çətin bir qərar verməsi lazımdır".

Qeyd edək ki, bundan əvvəl Pentaqon sözçüsü Çarlz Sammers Türkiyənin Rusiyadan S-400 raket əleyhinə müdafiə sistemləri almasının nəticələrinin ağır olacağını deyib.

Milli.Az 

loading...

Şərh yaz:

1 Şərh:

  • Anonim
    Süleyman · 10 Mart 17:0700

    Onsuz da Türkiyənin axır vaxtlar apardığı xarici siyasəti çox zəifləyib və Rusiyadan S-400 almaq barədə qərarı onun Rusiyadan asılılığını daha da artıracaq və ABŞ-la Qərb dünyasını ondan uzaqlaşdıracaq. Bunun əks-sədası yaxın illərdə özünü göstərəcək. Türkiyə onda başa düşəcək ki, Rusiyaya dost yox, düşdüyü çətin vəziyyətdən çıxmaq lazımdır.

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.