Dünya

Dünyanın ən varlı adamı varidatının böyük hissəsini bağışlayacaq

18 Mart 2010 09:29
Baxış: 489
VTB-də minimal faiz dərəcəsi ilə nağd kredit 9.9%-dən
#FORBES
İsveçrənin "Tagblatt" qəzeti "The Forbes" jurnalının dünyanın ən varlı adamı hesab etdiyi Karlos Slim barədə böyük yazı dərc edib. Varidatı $53,5 milyard olan mediamaqnat qəzetə açıqlamalar da verib.

Livanlı mühacirin oğlu olan 70 yaşlı Slimin əsl soyadı Səlimdir. Onun damarlarında ispan, ərəb və türk qanları axır. Meksikada ən böyük telefon şirkətinin sahibinin restoranları, ticarət mərkəzləri, istehsalat və emal müəssisələri, mədənləri, təqaüd fondları və aviaşirkətləri var.

Onun holdinqi mərhum arvadı Səmayənin adı ilə öz adının birləşməsi olan "Carso"dur. Holdinqin gündəlik gəlirləri təqribən $27 milyon civarındadır.

Hələ yeniyetmə olarkən Slim atasının razılığını alaraq birja əməliyyatlarına başlayıb və artıq 17 yaşında ilk milyonunu qazanıb.

"Mən Şaxta Baba deyiləm və düşünürəm ki, xeyriyyəçiliklə, ianələr paylamaqla yoxsulluq problemini həll etmək olmaz. Lakin arvadım dünyasını dəyişəndən sonra filantropa çevrildim. Yaratdığım xeyriyyə fondum indi böyüməkdə olan nəslin təhsilinə pullar ayırır", - Slim deyib.

Onun sözlərinə görə, varidatının böyük hissəsini müxtəlif xeyriyyə təşkilatlarına vəsiyyət edəcək: "İndiyədək dünyasını dəyişən zənginlər nə aparıblar ki, mən də nəyəsə bel bağlayam?! Tanrı məni o dünyaya aparanda özümlə heç nə apara bilməyəcəyəm".

/Ekspress/
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.