Dünya

Özbəkistan 2 kəndi qonşuya verdi

23 İyun 2026 19:50
Baxış: 477
VTB-də minimal faiz dərəcəsi ilə nağd kredit 9.9%-dən
#ÖZBƏKİSTAN

"Özbəkistan dövlət sərhədlərinin demarkasiyası çərçivəsində təxminən 2,5 min insanın yaşadığı iki kəndi Qırğızıstana təhvil verib".

Milli.Az qafqazinfo-ya istinadən xəbər verir ki, bu barədə Qırğızıstan Prezidentinin mətbuat katibi Askat Alagözov sosial şəbəkə hesabında məlumat paylaşıb.

Mətbuat katibinin sözlərinə görə, söhbət Çonqara və Taş-Tobo kəndlərindən gedir:

"Sözügedən yaşayış məntəqələri indiyə qədər Özbəkistanın Fərqanə vilayətinin tərkibində olub, orada məskunlaşan əhali isə etnik qırğızlardır. Həmin yaşayış məntəqələrinin əvəzində Qırğızıstan tərəfi Özbəkistan Respublikasına sərhədyanı zonada sahəcə eyni dəyərdə olan torpaq sahələri verib. Tərəflər arasında digər torpaq sahələrinin mübadiləsi də həyata keçirilib. Bu addım Batken vilayət mərkəzini Aydarkən şəhəri ilə birləşdirən yeni avtomobil yolunun tikintisi üçün zəruridir".

Xatırladaq ki, Qırğızıstan və Özbəkistan hələ 2023-cü ildə ümumi sərhəd xəttinin delimitasiya və demarkasiyası prosesini başa çatdırıblar. Həmin müqavilənin nəticəsi olaraq Bişkekə təxminən 19 min hektar mübahisəli ərazi verilmiş, Daşkənd isə 4,5 min hektar ərazini, o cümlədən Kempir-Abad (Əndican) su anbarını öz nəzarətinə götürmüşdü. Razılaşmaya görə, ölkələr su anbarının ehtiyatlarını bərabər şərtlərlə idarə edirlər.

Milli.Az 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.