Hava

Bakıda və rayonlarda hava kəskin dəyişir: Şimşək çaxacaq, dolu düşəcək

23 İyun 2026 12:56

Baxış: 810

VTB-də minimal faiz dərəcəsi ilə nağd kredit 9.9%-dən

Bakıda və Abşeron yarımadasında hava dəyişkən buludlu olacaq, əsasən yağmursuz keçəcəyi, lakin axşam saatlarında bəzi ərazilərdə yağışın yağacağı gözlənilir.

Milli Hidrometeorologiya Xidmətinin məlumatına əsasən, gecəyə doğru yarımadanın ayrı-ayrı yerlərində qısamüddətli, lakin intensiv yağışların yağacağı, şimşək çaxacağı ehtimal olunur. Mülayim şimal-şərq küləyi əsəcək.

Havanın temperaturu gecə 20-23°, gündüz 29-34° isti olacaq. Atmosfer təzyiqi 758 mm civə sütunu, nisbi rütubət isə gecə 60-65%, gündüz 40-50% təşkil edəcək.

Rayonlarda isə bəzi yerlərdə fasilələrlə yağış yağacağı proqnozlaşdırılır. Ayrı-ayrı bölgələrdə yağıntıların intensivləşəcəyi, şimşək və dolu ehtimalının olduğu bildirilir. Axşam saatlarında yağıntıların güclənəcəyi gözlənilir. Gecə və səhər dağlıq ərazilərdə duman müşahidə oluna bilər. Mülayim şərq küləyi əsəcək.

Havanın temperaturu gecə 21-25°, gündüz 30-35°, dağlıq ərazilərdə gecə 10-15°, gündüz 17-22°, bəzi yerlərdə isə 25-28° isti olacaq.

Müəllif: Malik Məlikov (Milli.Az redaktor)