İran

İranda uçuşlar dayandırılacaq

23 İyun 2026 11:25

Baxış: 2 014

VTB-də minimal faiz dərəcəsi ilə nağd kredit 9.9%-dən

#IRAN

İranda keçmiş ali lider Əli Xameneinin dəfn mərasimləri ilə əlaqədar bir sıra hava limanlarında uçuşlara məhdudiyyətlər tətbiq ediləcək.

Milli.Az xəbər verir ki, İran Mülki Aviasiya İdarəsinin yaydığı məlumata əsasən, 4-9 iyul tarixlərində Tehran və Məşhəd şəhərlərindəki hava limanlarının fəaliyyəti mərhələli şəkildə məhdudlaşdırılacaq.

Məlumata görə, Tehranın İmam Xomeyni və Mehrabad hava limanlarında uçuş rejimi müəyyən saatlarda məhdudlaşdırılacaq. Məşhəd hava limanında isə 9 iyul tarixində uçuşların tam dayandırılması nəzərdə tutulur.

Qurum həmçinin bildirib ki, 6 iyulda Tehran hava limanlarında təhlükəsizlik və təşkilati tədbirlər səbəbindən məhdudiyyətlər daha da gücləndiriləcək.

Qeyd edək ki, dəfn mərasimlərinin 4-5 iyul tarixlərində Tehrandakı İmam Xomeyni Musalla məscidində, 6 iyulda yenidən Tehranda, 7 iyulda Qum şəhərində, 9 iyulda isə Məşhəddə keçirilməsi planlaşdırılır. Mərasimlərin ardından Əli Xameneinin Məşhəddə yerləşən İmam Rza ziyarətgahında dəfn ediləcəyi bildirilir.

Müəllif: Nərmin Mahmudova (Milli.Az müxbir)