Dünya

Rusiyalılar Medvedevlə Putin arasında qarşıdurmaya inanmırlar

28 Aprel 2011 00:56
Baxış: 138
VTB-də minimal faiz dərəcəsi ilə nağd kredit 9.9%-dən
Milli.Az xəbər portalı BBC-yə istinadən bildirir ki, rəyi soruşanların 55 faizi artan ziddiyyətlər haqda məlumatları əsassız adlandırırlar.

Eyni zamanda ziddiyyətlər haqda məlumatları əsaslı hesab edənlərin sayı 20 faizdır.

Özüdə son il yarım ərzində belə düşünənlərin sayı təxminən 2 dəfə artıb.

Rusiyada növbəti prezident seçkilərinə 1 ildən az vaxt qalıb və sorğuda respondentlərin seçki vərəqəsində kimin adının olmasını istəməsi araşdırılıb.

38 faiz rəyi soruşulan istərdi ki, seçki vərəqəsində həm Dmitri Medvedev həm Vladimir Putinin adı olsun.

19 faiz ancaq Vladimir Putinin bülletenə salınması istəyir, 12 faiz ancaq Dmitri Medvedevin.

Birbaşa növbəti prezidentin kimin olacağına qaldıqda respondentlərin 39 faizi hesab edir ki, dövlət başçısı Vladimir Putin olacaq. 28 faiz hesab edir ki, Dmitri Medvedev.

O ki qaldı növbəti prezidentin kim olmasının nədən asılı olması məsələsinə, rəyi soruşulanların 32 faizi hesab edir ki, hər şey Medvedev-Putin cütlüyünün qərarından asılı olacaq.

Eyni sayda respondent hesab edir ki, hər şeyi seçicilər həll edəcək. Maraqlıdır ki, hələ yanvar ayında aparılan sorğuda eyni məsələyə yanaşma başqa cür idi. Onda cütlüyün qərarının əsas olacağını düşünənlərin sayı 43 faiz, seçicilərin rəyini əsas götürənlərin sayı isə 27 faiz idi.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.