Dünya

Məhəmməd Şahin Livanda öldürüldü - FOTOlar

17 Fevral 2025 16:34

Baxış: 1 276

VTB-də minimal faiz dərəcəsi ilə nağd kredit 9.9%-dən

#DÜNYADA #HADİSƏ #İSRAİL #LİVAN

İsrail ordusunun Lübnanın cənubundakı Sayda şəhərində həyata keçirdiyi hava hücumu nəticəsində HƏMAS komandanı Məhəmməd Şahin həyatını itirib.

Milli.Az xarici mediaya istinadla xəbər verir ki, İsrailin pilotsuz uçuş aparatı (PUA) vasitəsilə bir avtomobili hədəf aldığı bildirilir.Sayda Bələdiyyə Stadionu yaxınlığında baş verən hücumdan sonra hadisə yerinə təcili tibbi yardım və yanğınsöndürənlər cəlb edilib. Sosial mediada yayılan görüntülərdə hədəf alınan avtomobilin tamamilə yandığı görünür.

İsrailin Kanal 12 xəbər agentliyi hücumun "sui-qəsd əməliyyatı" olduğunu qeyd edib. Lübnan Səhiyyə Nazirliyi isə hücum nəticəsində bir nəfərin öldüyünü təsdiqləyib.

Qeyd edək ki, HƏMAS-ın adının açıqlanmasını istəməyən bir nümayəndəsi bildirib ki, avtomobildə olan şəxs təşkilatın yüksək rütbəli komandirlərindən biri, Məhəmməd Şahin olub. O, 2024-cü ilin yanvarında Beyrutda İsrail hücumu nəticəsində öldürülən HƏMAS-ın Siyasi Büro sədrinin müavini Salih əl-Aruriyə yaxınlığı ilə tanınırdı.

Fidan
Milli.Az