Dünya

Durov bu ölkələrin diplomatik yardımını qəbul etmədi

6 Sentyabr 2024 13:58

Baxış: 644

#TELEGRAM MESSENGER LLP

Teleqramın həmtəsisçisi Pavel Durov Rusiya və Birləşmiş Ərəb Əmirliklərinin (BƏƏ) təklif etdiyi diplomatik yardımdan imtina edib.

Milli.Az qafqazinfo-ya istinadən xəbər verir ki, bu barədə məlumatı fransalı məmura istinadən "Politico" qəzeti yayıb.

"Durov Rusiya tərəfindən konsul mühafizəsindən və BƏƏ konsulluğunun nümayəndəsinin səfərindən imtina edib. Bununla belə, o, BƏƏ Səfirliyinin vəziyyətlə bağlı məlumatlandırmağa razılaşıb", - deyə mənbə qeyd edib.

Xatırladaq ki, P.Durov avqustun 24-də Parisdə hava limanında saxlanmışdı. Avqustun 28-də isə o, məhkəmə nəzarəti altında sərbəst buraxılıb. Paris Prokurorluğu Durovu 6 qanun pozuntusunda, o cümlədən qanunsuz əməliyyatlar aparmaq məqsədilə onlayn platformanın idarə edilməsində ittiham edir.

Onu da qeyd edək ki, 39 yaşlı sahibkarın Fransa, Rusiya və BƏƏ vətəndaşlığı var.

Milli.Az
Xəbərlərimizi WhatsApp kanalımızdan da oxuyun