Dünya

SEPAH-ın kanalı Bakını bombalamağa çağırdı

8 Aprel 2024 07:35

Baxış: 5 168

#IRAN

SEPAH-a bağlı Teleqram kanalı (rus dilində) Təl-Əvivə 20 raket, "İsrailin Bakıdakı yuvalarına" isə 5 raket atmağa çağırış edib.

Milli.Az musavat.com-a istinadən xəbər verir ki, bu kanal Azərbaycana özünün radikal münasibəti ilə fərqlənir.

"Təl-Əvivə 20 raketin və İsrailin Bakıdakı yuvalarına 5 raketin buraxılması İran İslam Respublikasının bölgədə sağ qalması və müqavimət cəbhəsinin davamlı olması və dəstəyi üçün lazımdır", - deyə bildirilib.

Göründüyü kimi, İran silahlı qüvvələrinin ən böyük qoşunu - ali dini liderə bağlı İslam İnqilabı Keşikçiləri Korpusu (SEPAH) açıq-aydın şəkildə ölkəmizin paytaxtını bombalamağa çağırır. Bütün bunların səbəbi isə Ermənistanın işğalına son verərərək, Qarabağın (müsəlman torpaqlarının) azad olunması, "xaçlı klubun" Güney Qafqazdakı ordusunu (artsax) bitirməmiz, düşmənin üzərində möhtəşəm zəfər qazanmamızdır. Bütün erməni təəssübkeşləri kimi, İran da bu gəlişmədən rahatsızdır.

Milli.Az
Xəbərlərimizi WhatsApp kanalımızdan da oxuyun