Dünya

Bloqqerin qəribə hobbisi: zibil qutusunu eşələməklə...- FOTOlar

20 Mart 2024 00:40

Baxış: 513

#DÜNYADA #MARAQLI #BLOGGER #TİKTOK

31 yaşlı britaniyalı bloqqer Salli Sparks tez-tez tələbə yataqxanaların yaxınlığındakı zibil qutularını eşələməklə, qiymətli əşyalar tapır.

Milli.Az sfera.az-a istinadən bildirir ki, bloqqer bu barədə "TikTok"da paylaşımlar edir.

Britaniyalı qadın tələbələr ayrıldıqdan sonra universitet yataqxanalarının yanındakı zibilliklərdə axtarış aparır. Sallinin sözlərinə görə, o, müntəzəm olaraq bahalı brendlərdən dizayner geyimləri kəşf edir, onların bəzilərinin ümumi dəyəri 15 min funt sterlinqə çatır.

O qeyd edib ki, belə qurumların əməkdaşları həmişə gənclərin unutduqları əşyaları zibilliyə atırlar.

Qızın tapdığı əşyalar arasında "Apple Watch", "House of CB" brendindən bədən kostyumu, "The Kooples"dan palto, "Burberry" moda evindən köynəklər, "Louis Vuitton" sırğaları, "New Balance" və "Nike" idman ayaqqabısı, digər qarderob əşyaları və aksesuarlar olub.

"Bunların çoxu yeni idi. Mən onları ya xeyriyyə təşkilatlarına bağışlayıram, ya da özüm geyinirəm. Düşünürəm ki, bununla mən planeti xilas edirəm"- deyə bloqqer bildirir.

Sallinin sözlərinə görə, atılan dəbdəbəli əşyaların bəziləri tamamilə yeni olur. Yeni geyimlərdən əlavə, o, ütü, qabyuyan maşın və qablar da daxil olmaqla bir sıra pulsuz ev əşyaları götürdüyünü etiraf edir.

"Hər il nə qədər israf edildiyini görmək məni çox kədərləndirir, xüsusən də bunun hər il yataqxanalarda baş verdiyini bilmək çox qəribədir. Bu, həddindən artıq israfçılıq və dəhşətdir".

Milli.Az

Xəbərlərimizi WhatsApp kanalımızdan da oxuyun