Dünya

Zelenski Ukrayna ordusunun baş komandanı Zalujnı barədə fikrini açıqladı

5 Fevral 2024 13:56
Baxış: 895
VTB-də minimal faiz dərəcəsi ilə nağd kredit 10.49%-dən

Ukrayna Prezidenti Volodimir Zelenski ölkənin Silahlı Qüvvələrinin Ali Baş Komandanı Valeri Zalujnını əvəzləmək barədə düşündüyünü təsdiqləyib. O, bu barədə "Rai News"a müsahibəsində danışıb.

Milli.Az oxu.az-a istinadən xəbər verir ki, dövlət başçısının sözlərinə görə, Ukraynaya yeni başlanğıc lazımdır.

"Söhbət təkcə Zalujnıdan deyil, həm də ölkənin bir sıra səlahiyyətlilərinin dəyişdirilməsindən gedir, özü də bu, tək hərbi sahəyə aid deyil", - deyə Zelenski əlavə edib.

Qeyd edək ki, Qərb mətbuatı Ukrayna Silahlı Qüvvələrinin baş komandanının vəzifəsindən azad edilməsi ilə bağlı Ukrayna prezidentinin fərmanının yanvarın 29-dan fevralın 4-dək imzalanacağı barədə məlumat yaymışdı. Ancaq Zalujnı hələ də öz vəzifələrini yerinə yetirir, işdən azad edilməsi ilə bağlı hələ rəsmi açıqlama verilməyib.

Serbiyanın "Politika" nəşri yazır ki, Zelenski "İl-76" təyyarəsinin Belqorod vilayətində qəzaya uğramasında Ukrayna Silahlı Qüvvələrinin baş komandanını ittiham etməyi planlaşdırır.

Milli.Az
Xəbərlərimizi WhatsApp kanalımızdan da oxuyun

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.