Dünya

Çində güclü zəlzələ nəticəsində ölənlərin sayı 116 nəfərə çatdı - YENİLƏNİB

19 Dekabr 2023 08:15

Baxış: 8 919

VTB-də minimal faiz dərəcəsi ilə nağd kredit 10.49%-dən

#ZƏLZƏLƏ #ÇİN

08:15

-------

Çinin şimal-qərbindəki Qansu və Çinxay əyalətlərində baş vermiş zəlzələ qurbanlarının sayı azı 116 nəfərə çatıb.

Milli.Az report.az-a istinadən xəbər verir ki, bu barədə Çinin Mərkəzi Televiziyası məlumat yayıb.

Məlumata görə, 1,5 mindən çox xilasedicinin iştirak etdiyi fəlakət zonasında genişmiqyaslı axtarış-xilasetmə əməliyyatlarına başlanılıb.

Qeyd edilir ki, Qansuda ölənlərin sayı 100-ə çatıb, Çinxayda isə 11 nəfər ölüb. Daha əvvəl 230-dan çox insanın xəsarət aldığı bildirilirdi.

Telekanalın məlumatına görə, Çin Sədri Si Szinin insanların axtarışı və xilas edilməsi, eləcə də Qansuda baş vermiş zəlzələnin nəticələrinin aradan qaldırılması üçün bütün səylərin göstərilməsinə tapşırıq verib.

Axtarış-xilasetmə işləri çətin meteoroloji və coğrafi şəraitlə çətinləşib. Gecə zəlzələ zamanı çöldə havanın temperaturu -14 dərəcəyə enib.

06:02

-------

Zəlzələ nəticəsində Çinin Qansu və Çinxay əyalətlərində azı 111 nəfər ölüb.

Milli.Az APA-ya istinadən xəbər verir ki, bu barədə Çin Mərkəzi Televiziyası məlumat yayıb.

00:02
-------
Çinin şimal-qərbindəki Qansu əyalətində baş verən güclü zəlzələ nəticəsində azı 8 nəfər ölüb.

Milli.Az report.az-a istinadən xəbər verir ki, bu barədə Çin Mərkəzi Televiziyası məlumat yayıb.

Pekin vaxtı ilə gecə yarısı maqnitudası 6,2 bal olan bir neçə yeraltı təkan qeydə alınıb. Epidemiya 10 km dərinlikdə yerləşir.

Zəlzələnin təsiri qonşu Çinxay əyalətində də hiss olunub.

21:56
-------
Çinin Qansu əyalətdə 6,1 bal gücündə zəlzələ baş verib.

Milli.Az axar.az-a istinadən xəbər verir ki, bu barədə Avropa-Aralıq dənizi Seysmoloji Mərkəzi məlumat yayıb.

Yeraltı təkanların ocağı 10 km dərinlikdə olub.