Dünya

Türkiyədən ABŞ-a F-16 çağırışı

21 Noyabr 2023 08:09

Baxış: 811

VTB-də minimal faiz dərəcəsi ilə nağd kredit 10.49%-dən

#TÜRKİYƏ

Türkiyə ABŞ-dan heç bir şərt və məhdudiyyət olmadan F-16-ların alınmasına dair müraciətə baxılmasının tezliklə başa çatdırılmasını gözləyir.

Milli.Az axar.az-a istinadən bildirir ki, bu sözləri Türkiyə xarici işlər naziri Hakan Fidan deyib.

"Biz dəfələrlə bəyan etmişik ki, Birləşmiş Ştatlar milli təhlükəsizliyimizə birbaşa təsir edən məsələlərlə bağlı öz yanlış mövqelərini düzəltmək üçün konkret addımlar atmalıdır. Bununla əlaqədar olaraq, biz bütün səviyyələrdə heç bir şərt və məhdudiyyət olmadan F-16-ların alınması və modernləşdirilməsi ilə bağlı müraciətimizə baxılmasının tezliklə başa çatdırılacağına ümid edirik", - nazir bildirib.

Eyni zamanda, H.Fidan qeyd edib ki, Ankara qarşılıqlı maraq doğuran bir çox regional və qlobal məsələlərdə ABŞ ilə əməkdaşlığı davam etdirir.

Qeyd edək ki, ABŞ Konqresinin Nümayəndələr Palatası 2022-ci ilin iyulunda müdafiə büdcəsinə düzəlişi qəbul edib. Yeni sənədə əsasən, "Türkiyə Yunanıstan hava məkanını pozduğu müddətcə" ABŞ administrasiyasına yeni F-16 təyyarələri və onların modernləşdirilməsi üçün komponentləri Türkiyəyə satmaq qadağan edilib.

Milli.Az

Milli.Az - Xəbər Portalı

Türkiyədən ABŞ-a F-16 çağırışı

DİGƏR XƏBƏRLƏR

XƏBƏR LENTİ

TOP VIDEO

SORĞU

Hansı marka avtomobil idarə edirsiniz?