Dünya

"Romeo və Cülyetta" ağır yaralandı - FOTO

15 Noyabr 2023 15:30
Baxış: 1 224
VTB-də minimal faiz dərəcəsi ilə nağd kredit 10.49%-dən

Budapeşt Milli Teatrında Romeo və Cülyetta obrazını canlandıran baş aktyorlar tamaşa zamanı eyvandan yıxılıblar.

Milli.Az Türkiyə mətbuatına istinadən xəbər verir ki, ötən cümə günü axşam saatlarında Macarıstanın paytaxtı Budapeştdəki Milli Teatrda insanları heyrətləndirən hadisə baş verib.

İngilis yazıçısı Uilyam Şekspirin "Romeo və Cülyetta" tamaşasında baş rolları canlandıran Julia Szasz və Otto Lajos Horvat tamaşanın ikinci pərdəsində səhnə dekorasiyası funksiyasını yerinə yetirən 3 metr hündürlüyündəki eyvandan yıxılıblar.

Ağır yaralanan aktyorlar xəstəxanaya aparılıb. Bədənində sınıq olan iki aktyorun əməliyyat olunduğu, vəziyyətlərinin ağır, lakin stabil olduğu açıqlanıb.

Hadisədən sonra Milli Teatrın rəhbərliyi araşdırmağa başlayıb.

2013-cü ildən Milli Teatrın direktoru vəzifəsində çalışan Attila Vidnyanski istefa ərizəsini təqdim edib.

Milli.Az

Xəbərlərimizi WhatsApp kanalımızdan da oxuyun

Məqaləyə dair fotomateriallar:

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.