Dünya

Trampın bu vəzifəyə namizədliyi irəli sürüldü

4 Oktyabr 2023 11:54
Baxış: 774
VTB-də minimal faiz dərəcəsi ilə nağd kredit 10.49%-dən

ABŞ Konqresinin Nümayəndələr Palatasının üzvü Troy Nels (Texasdan olan respublikaçı) partiya yoldaşı Kevin Makkarti (Kaliforniyadan) vəzifəsindən kənarlaşdırıldıqdan sonra Amerika qanunverici orqanının aşağı palatasının spikeri vəzifəsinə ölkənin keçmiş prezidenti Donald Trampın namizədliyini irəli sürüb.

Milli.Az "report"a istinadən bildirir ki, bu barədə o, "X" sosial şəbəkəsindəki hesabında yazıb.

"Kevin Makkarti bir daha spiker seçilmək istəməyəcək. Mən Donald Trampın Nümayəndələr Palatasının sədri vəzifəsinə namizədliyini irəli sürürəm", - Nels qeyd edib. Konqresin Aşağı Palatasının spikeri vəzifəsi ABŞ hökumət iyerarxiyasında üçüncü ən vacib vəzifədir.

Qeyd edək ki, bundan əvvəl ABŞ qanunverici orqanının aşağı palatasındakı əksəriyyət Makkartinin vəzifəsindən uzaqlaşdırılmasına səs verib. Ölkə tarixində ilk dəfə olaraq Nümayəndələr Palatasının sədri vəzifəsindən uzaqlaşdırılıb. Bu vəzifəni Şimali Karolinadan olan respublikaçı Patrik Makqenri konqresmenlər yenisini seçənə qədər icra edəcək.

Milli.Az

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.