Dünya

Belçikada üzünə tort atdılar, gülüşlə qarşıladı - VİDEO

8 Sentyabr 2023 11:35
Baxış: 754
VTB-də minimal faiz dərəcəsi ilə nağd kredit 10.49%-dən

İrlandiyanın "Ryanair" aviaşirkətinin baş icraçı direktoru Maykl O'Liri Belçikanın paytaxtı Brüsseldə eko-aktivistlərin hücumuna məruz qalıb. 

Milli.Az "qafqazinfo"ya istinadən xəbər verir ki, O'Liri çıxış etməyə hazırlaşarkən 2 ekoloji fəal onun üzünə tort atıb. 

Fəallardan biri Maykl O'Liriyə "Belçikaya xoş gəlmisiniz" deyərək tort atıb. Digər aktivist isə "Təyyarələrin səbəb olduğu çirklənməni dayandırın" deyə şərh bildirib. 

Bildirilir ki, baş icraçı direktor hadisə zamanı Avropa İttifaqında aviadispetçerlərin mütəmadi keçirilən etiraz aksiyaları barədə danışmaq niyyətində olub. 

"Ryanair" rəhbəri hadisəni gülüşlə qarşılayıb. 

Qeyd edək ki, insidentin Belçikada "Ryanair" pilotlarının sentyabrın 14-15-i yeni tətil elan etməkləri ərəfəsində baş verməsi diqqət çəkib.

Milli.Az

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.